PU PA TE LHAVANG KANGAIYE

Toni noiya hin khanlai pilui le pului te lhavang kangaiye,
Selung toh a Nampi ten Mangkangte dougal adou,
Chonpat bang nemlou gollai thangsa nahime.
Lungkhat pheiphung nason nau gamlei solbang lingin,
Henkol kaijing lalna gamlei munthong lhung e.

Vannoi kolmong geija thangsa Anglo-Kuki Gal,
Alhingte kum 106 tunin Jingmei kainoiya hin,
Sonngai jatam ten tunjong dougal kason uve.
Henkol kaina kumkho sot nung taikho avahmoi.
Solna gamlei gamva jingthou kit hen.

Pupa jilsa gamlei lenkhong ginna lhaang gamse,
Agam pallai Khoiva tinchengin abom jinge.
Phai gam Meilhei -Galleng ten kagam ngai nehding nomin,
Sonngai jatam te sulla leldin agam meilou jing bangin.
Pupa jilsa gamlei kalen chom solang nguije.

Chung Thangvan sanga kon Lhaolha'n hung villun,
Nasonngai lungdei ten lungkhat pheiphung kason uva,
Pului te sulnung juija lhahlam pheiphung kason nadiu,
Tua Manipur dougal meibang kano jam nadiuvin
Pu Pa te Lhavang kangaiye, kangaiye Pupa Lhavang.