Sahnit Jaila

Pupa jilsa phunggol houtong kitona gamlei,
Ngai jatam sam’ang vaina Vangkhojol cheng,
Phunglun jatam henkol kaina asohtai tunin,
Nam dougal in thina Kholhang ahinsam’e.

Lhalam Chollha Sangkhat Jako Somko le thum,
Tamei Khopam gamthip noiyah thisan lonlhi alonge.
Huhhingna ngaiya vo chun le jo tia naobang naka,
Ngaicheng banjal jet a kisang theilou aw anai..ana ngeije..
Vo Chung Pathen kadiuva chungto nisa hoiba hitam?

Gama pisa’n bon avenchoi khoto thema,
Anglai losa kavenchoi jengjong khoto joulou,
Theisen venchoi hema nalou naselung oimong hinam o dougal mel!
Kave ngampoi venchoi melma hema nalou pichu.
Thisan longjong chung thong go bang bang pilchang kithe.
Laidip adame ngai venchoi toh neikhen neikhen jeng vang..

Vo kasen angkoi hemkol nakai lai ve-ngam louvin,
Nasen angkoi le navenchoi lonlhi kalonge.
Somai jengjong vengam louvin laidip kadame.
Huhdoh ding bei genleng thei khoto ding bei,
Chung Pathen’in thu tanjeng hen genthei tedin.

Pasal hina mel bouta, huhdoh jou talou tunin vang,
Sen angkoi leh ka-venchoiyo, malam sonto jinlam asaove.
Melma khut’a phaimit singding kahi tauve.
Jingjin tonglam najot teng, kasha lhong lupna meipin tom nante.
Eina lelpeh tan melma khut a kaphaimit sinna thimthu hi..
Chungleng Va bang alenge lunglai thimthu hi..

Chung Chollha le Ahsin jong neivet da maito iya selung mon nalou,
Gamgil noiya lung genthei, Sung gilkel leh dangchah a sam’ang vaina,
Ajankho jong asot ngeiye O Lhalam Chollha.
Thimthu lelao kilel henlang nopna kolni hungsoh loiyo kadiuvin…